Marian antiphons

The Marian Anthems are sung primarily by Catholics particularly in religious communities after night prayer or compline.

Here they are in in the original Latin as sung in Catholic religious houses around the world:

Alma Redemptoris Mater, quae pervia caeli

porta manes, et stella maris, succurre cadenti,

surgere qui curat, populo: tu quae genuisti,

natura mirante, tuum sanctum Genitorem,

Virgo prius ac posterius, Gabrielis ab ore,

sumens illud Ave, peccatorum miserere.

Ave, Regina caelorum,

ave, Domina angelorum,

salve, radix, salve, porta,

ex qua mundo lux est orta.

Gaude, Virgo gloriosa,

super omnes speciosa;

vale, o valde decora,

et pro nobis Christum exora.

Regina coeli, laetare, alleluia:

Quia quem meruisti portare, alleluia.

Resurrexit sicut dixit, alleluia.

Ora pro nobis Deum, alleluia.

Salve Regina, Mater misericordiae,

Vita dulcedo et spes nostra salve.

Ad te clamamus exsules filii Hevae.

Ad te suspiramus gementes et flentes, in hac lacrimarum valle.

Eja ergo advocata nostra,

illos tuos misericordes oculos ad nos converte.

Et Jesum benedictum fructum ventris tui

nobis post hoc exsilium ostende.

O clemens, o pia, o dulcis Virgo Maria.