La Selva (Huesca)

Iste articlo tracta sobre A Selva que ye una pardina de A Fueva. Ta altros usos d'a parola Selva se veiga Selva (desambigación).

A Selva (oficialment, en castellano, «La Selva») ye una pardina aragonesa d'o municipio d'A Fueva, en a comarca d'o Sobrarbe y provincia de Uesca. Actualment se troba despoblada​.

A Selva ye en a valleta d'o barranco de Clamosa, en as garras d'a sierra d'o Turón, en o estremo sud d'a comarca d'o Sobrarbe por a man oriental d'a Cinca. No fa pas parte d'a subcomarca natural de A Fueva, sino que se confronta con L'Abizanda y Escaniella en a man cuentra d'o río, de pleno en a val d'a Cinca. Se forma d'una sola casa con as suyas bordas y palleros, deshabitada dende que s'albadonoron os lugars más amanaus, como Clamosa, Caneto y A Peniella. O lugar despoblau de Bediello, formau por dos viviendas, se troba a bell ciento de metros por debaixo d'A Selva, y qualques cientos de metros por o camino que os comunica.

A pardina de A Selva teneba numbrosas propiedatz en a redolada, y os suyos amos declaraban en 1944 de tener 3 hectarias de propiedat​ en a cuenca d'o barranco de Clamosa, a man de Bediello, a demás d'os dreitos d'expleitación en o molín d'olio de Clamosa​, a'l costau d'o río Cinca y enguán cacegau baixo l'augua de l'entibo de Lo Grau.

Enlaces externos

• Imágenes de La Selva, en la web oficial del ayuntamiento de La Fueva